ԵՐԵՎԱՆԻ ՍՈՍ ՀՈՎՍԵՓՅԱՆԻ ԱՆՎԱՆ Հ.115 ԱՎԱԳ ԴՊՐՈՑ
ԻՄ ԱՌԱՋԻՆ ՏՊԱՎՈՐՈՒԹՅՈՒՆՆԵՐԸ ԴՊՐՈՑՈՒՄ
Երբ առաջին օրերին մենք եկանք Երևանի Սոս Հովսեփյանի անվան հ.115 ավագ դպրոց, ինձ շատ դուր եկավ ուսուցիչների ջերմ ընդունելությունը, նրանց ջերմ վերաբերմունքը աշակերտների նկատմամբ: Դպրոցի ուսուցիչները շատ հարգալից են բոլոր աշակերտների նկատմամբ : Հ.115 ավագ դպրոցում ուսուցիչները հետաքրքրվում են` ինչ դժգոհություններ և արաջարկություններ ունեն աշակերտները, ու փորձում են բարելավել պայմանները, որպեսզի աշակերտների համար ստեղծեն բարենպաստ պայմաններ` հօգուտ աշակերտի:
Ցանկանում եմ նշել նաև, որ մեզ վրա լավ տպավորություն է թողել դպրոցի առաջին հարկի միջանցքը, ինչպես նաև դասամիջոցներին հնչող երաժշտությունը, որը ավելի լավ մթնոլորտ է ստեղծում դպրոցում: Ինձ դուր է գալիս հատկապես դասական հանգիստ երաժշտությունը: Դրոցում արդեն հասցրել ենք ծանոթանալ մեկս մյուսի հետ: Դա շատ լավ է, և դա հնարավոր է եղել շնորհիվ այն հանգամանքի, որ դպրոցը առանձին ավագ դպրոց է, ու ընդհանուր աշակերտների թիվը մեծ չէ: Այսպես շատ ավելի լավ է, քան այն դպրոցում, որտեղ աշակերտների թիվը մեծ է:
Աշակերտներին դուր են եկել նաև միջանցքներում տեղադրված աթոռները, որոնց վրա անհրաժեշտության դեպքում աշակերտները կարող են նստել դասամիջոցի ընթացքում: Իմ ընկերներից շատերը ոգևորված են նաև դպրոցի դահլիճով, ափսոս միայն, որ դպրոցի սպորտհրապարակը այդքան էլ բարեկարգ վիճակում չէ: Եվ մեզ վրա շատ դրական, գրական ազդեցություն է ունեցել նաև դպրոցում աշակերտների համար առանձին սենյակ-դասասենյակը, որը կոչվում է «Չարենցի սենյակ»:
Նոր Աշակերտ
20.09.2023
